|
Qırım Yaşları Cemiyeti azalarınıñ menfaatlarını temsil etmek ve qorçalamaq, dünyabaqışlarını temsil etmek içün qurulğan göñülli içtimaî yaşlıq teşkilâtıdır. Teşkilâtnıñ azaları bu deñişip turğan dünyada ebedî degerlerniñ mevcutlığını isbatlamağa istegen ve bu fikirni yaymağa tırışqan insanlardır. |
|
Devamını oqu...
|
|
|
Qırım Yaşları Cemiyeti’niñ maqsadları aşağıdakilerden ibarettir:
- Qırımtatar xalqınıñ tarixı, tamırları, medenî ve dinî mirası ve til sahalarındaki cahillikni yoq etmek.
- İslâmî dinî esasları ve urf-adetleri ceetinden xalqımıznı aydınlatmaq.
- Yaş nesilimizniñ umumî intellektual inkişafında yardımcı olmaq.
- Qırım nüfusu arasında fitne saçqan tış kuçlerge qarşılıq olaraq xalqımıznıñ birleşmesine yardımcı olmaq.
- Mass-mediada yayın, resmî hitap, çeşitli işbirlik programmalar ve başqa vasıtalar yardımınen Qırım ehalisiniñ meselesine Memeleketler arası dünya teşkilatlarınıñ diqqatını celp etmek.
|
|
Qırım Yaşları Cemiyeti qurulışı eki esas faaliyet ceryanınıñ şekillenmesini belgilemekte:
- Medenî maarifî ceryannıñ mesuliyeti ve maqsadı – kütleviy sürette din, medeniyet ve haq-huquq saalarında maarif ve tasilnen oğraşmaqtır.
- Xayriî ceryannıñ mesuliyeti – Qırım ehalisine maddî yardım toplamaq, yardımnıñ darqatılmasınen oğraşmaqtır.
Cemiyetniñ maqsadlarına erişmek içün aşağıda belgilengen programa ve tedbirlerniñ kerçekleştirüvi nazarda tutula:
- Medenî merkezniñ qurulması. Bu merkez yeterli derecede em cemiyetnıñ, em de iş taqımlarınıñ ihtiyaclarını körecek. Merkezde bilgisayar sınıfları donatılacaq, çeşitli tögerekler çalışacaq, ders ve konferentsiya haneleri açılacaq ve ilâhre.
- Qırımtatar xalqınıñ tarixı, medeniyeti ve dinî mirası haqqında basma, elektronik ve video neşirleriniñ azırlanması, neşirniñ saife düzeniniñ yapılması ve tiraj etilmesi, bedî ve multiplikatsiya filmleriniñ dublâji kerçekleşecek.
- Oquv yurtlarına Qırımtatar xalqınıñ tarixı ve medeniyeti oqutulması ceetinden yardım etilecek. Millî mektep ocaları içün seminar ve konferentsiyalar ötkezilecek.
- Davalı meseleler aqqında maqalelerniñ yazılması, dinler arası diskussiyalarda iştiraq etilmesi, iş birlikleriniñ qurulması ötkezilecek.
|
|
|
|
|
|
Profil